Министерство за одбрана на Русија објави дека руските мировници ја напуштиле Ерменија и одат кон Нагорно-Карабах.
Претходно, повеќе од 400 руски мировници пристигнаа во Ерменија. По истоварувањето, армијата направи формации кои треба да пристигнат кон целта.
„За да се изврши маршот, опремата и оружјето поминаа на сервисирање и техничка проверка на подготвеноста за движење низ планинските области. Откако ќе се договорат за рутите за распоредување, руските мировници ќе започнат да маршираат кон областите каде ќе се спроведуваат мировните мисии“, објави Министерството за одбрана на Руската Федерација.
Се очекува тие да поминат повеќе од 250 километри, а по пристигнувањето, мировниците ќе постават места за набудување долж контактната линија и коридорот „Лашин“.
20 авиони „Ил-76“ на воената транспортна авијација со офицери на командата на руските мировни сили и војници на единиците на 15-та мировна бригада веќе слетаа во Ерменија.
Претходно, Националниот центар за контрола на одбраната на Русија објави дека во Карабах ќе бидат испратени најмалку 22 воени транспортни авиони „Ил-76“ со мировници.
Рускиот мировен контингент во Карабах ќе брои 1.960 војници, 90 оклопни транспортери, 380 единици опрема, а командата на руските мировни сили ќе биде лоцирана во областа на Степанакерт.