На интернет се појави снимка од прес-конференција по која новинари од повеќе медиуми посочија дека Грета Тунберг „неспретно“ одговара на прашањата на новинарите.
Видеото како што се наведува „открива“ дека активистката не знае да даде соодветни одговори без претходна подготовка.
Сцената од панелот, во кој беше вклучена и Грета, сега зборува во прилог на „теоријата“ што може да се прочита деновиве по медиумите кои ја критикуваат дека „Грета е проект на големите сили и нема капацитет да го понесе товарот на глобалното промовирање на нејзините идеи“.
-Можете ли да ни кажете каква порака сакате да им пренесете на светските лидери и дали е време претседателот Трамп да одговори на ова што го кажавте денес, ја праша новинарот Грета.
-Извинете, што беше првото прашање?, збунето праша Грета.
Кога новинарот го повтори прашањето, младата активистка се обиде да одговори.
„Мислам дека пораката што сакаме да ја пратиме дека ни е доста од се“, одговори таа кратко, а потоа додаде: „Дали некој друг сака да одговори на ова прашање?. Не можам да зборувам во име на сите, заврши Грета.