Утринава два израелски тенкови ја „уништиле“ главната порта на позицијата на привремените сили на Обединетите нации во Либан (УНИФИЛ) на југот на земјата, се наведува во соопштението од УНИФИЛ..
Израелските војници потоа „насилно упаднаа во нивната позиција“, се додава во соопштението.
Во соопштението се наведува дека инцидентот се случил рано утринава на позицијата на ОН. Приближно во 04:30 часот по локално време, додека мировниците биле во засолништа, два израелски тенкови ја „уништиле главната капија на позицијата и насилно влегле“ во објектот. Израелските војници потоа „постојано бараа од базата да ги исклучи светлата“.
Во соопштението се вели дека тенковите заминале околу 45 минути подоцна.
Приближно во 06:40 часот по локално време, мировниците на истата позиција пријавиле дека биле испукани неколку куршуми, по што бил забележан чад во областа.
– Петнаесет мировници претрпеа последици, меѓу кои иритација на кожата и гастроинтестинални реакции, откако чадот навлезе во базата – се вели во соопштението.
Израелскиот премиер Бенјамин Нетанјаху ја повика мировната мисија на ОН да ја напушти областа.
UNIFIL statement:
Early this morning, peacekeepers at a UN position in Ramyah observed three platoons of IDF soldiers crossing the Blue Line into Lebanon.
— UNIFIL (@UNIFIL_) October 13, 2024