Израелските воздушни напади ги погодија јужните предградија на Бејрут во текот на ноќта и во раните утрински часови денеска, во најтешкото бомбардирање на либанската престолнина откако Израел нагло ги засили операциите против групата Хезболах поддржана од Иран минатиот месец.
Во текот на ноќта, експлозии одекнаа низ Бејрут, а очевидци и воени аналитичари изјавија за локална телевизија дека тоа е најголемиот израелски напад врз Бејрут досега.
“Синоќа беше најсилно во споредба со претходните ноќи. Зградите се тресеа околу нас, прво помислив дека е земјотрес. Имаше десетици потреси, не можевме да ги изброиме сите, а звуците беа заглушувачки”. изјави Ханан Абдула која живее во јужните предградија на Бејрут.
Видеата објавени на социјалните мрежи, кои Ројтерс не можеше да ги потврди, покажаа нови оштетувања на автопатот што води од аеродромот во Бејрут преку неговите јужни предградија до центарот на градот.
Израел објави дека воздухопловните сили „извршиле серија насочени напади врз неколку складишта за оружје и локации со терористичка инфраструктура на терористичката организација Хезболах во областа Бејрут“.
Либанските власти веднаш не соопштија што погодиле проектилите или каква штета предизвикале.
Интензивното бомбардирање дојде непосредно пред годишнината од нападот на 7 октомври од страна на палестинската милитантна група Хамас врз јужен Израел, во кој загинаа околу 1.200 луѓе и киднапираа повеќе од 250, според израелските податоци.
Израел започна воздушни напади низ Либан и копнена инвазија на југот на земјата за да ги потисне активностите на либанската група Хезболах, главниот сојузник на Иран во регионот. Цел на израелските воздушни напади низ Либан и копнената инвазија на југот на земјата е либанската вооружена група Хезболах, главниот сојузник на Иран во регионот.
Според либанските власти, стотици луѓе се убиени, меѓу кои и цивили, додека 1,2 милиони луѓе се раселени. Израел со денови го бомбардира бејрутското предградие Дахија, кое се смета за упориште на Хезболах, но е дом и на илјадници обични либански, палестински и сириски бегалци.
Лидерот на Хезболах Саид Хасан Насрала беше убиен на 27 септември.
Либански безбедносен извор вчера изјави дека Хашем Сафиедин, можниот наследник на Насрала, исчезнал во петокот, по израелскиот воздушен напад во четвртокот во близина на меѓународниот аеродром во Бејрут.