(ВИДЕО) Избувна пожар во нуклеарна централа, расте паниката во Јапонија

Од:

Пожар избувна во нуклеарната централа Шига во Јапонија по разорните земјотреси кои денеска ја погодија оваа земја, јавуваат јапонските медиуми.

Пожарот избувнал на трансформаторот во нуклеарната централа и истиот е изгаснат, соопштија надлежните без да дадат информации за штетите и можните последици.

Телевизискиот канал NHK наведува дека властите собираат информации за состојбата на нуклеарната централа Шика. Во моментов, првиот и вториот реакторски блок се исклучени, а кризниот штаб го интензивира мониторингот на контролните точки за нивото на радијација.

Да потсетиме, најсилниот земјотрес беше 7,5 степени според Рихтеровата скала, му претходеше земјотрес од 5,6 степени, а после тоа беа забележани повеќе од 40 земјотреси од кои најсилниот беше 6,2 степени според Рихтеровата скала.

Во многу области е издадено предупредување за цунами, а во тек е евакуација на одредени региони.

Повредени се голем број, а според последните информации шест лица се затрупани во урнатините на зградата која се урна во земјотресот.

Уништени се бројни патишта, што уште повеќе ги отежнува напорите на спасувачките екипи.

Да потсетиме дека јапонската нуклеарна регулаторна управа (НРА) објави дека нема проблеми со реакторите во ниту една од нуклеарните централи во областа погодена од разорните земјотреси.

Би можело да ве интересира

Земјотрес во БиХ, епицентарот во околината на Мостар: „Добро се стресе!“

Силен земјотрес го погоди регионот на Синџан во Кина

Силен земјотрес го погоди Њујорк; Пристигна итно известување

Предраг Петровиќ

Кина ја погоди земјотрес со јачина од 5,5 степени според Рихтеровата скала

По силниот, уште два помали земјотреси ја погодија Црна Гора: „Силно се почувствува во Никшиќ“

Горан Наумовски

Силен земјотрес во Црна Гора