Видео снимка на иранската војска која го соборува дронот на морнарицата на САД е објавен на социјалните мрежи.
На видеото е прикажано лансирањето на ракета и експлозија во моментот кога го погодува дронот.
Iran releases video of downing RQ-4A pic.twitter.com/wFR0FxjaXS
— Ali Vaez (@AliVaez) June 20, 2019
Краткиот клип кој е снимен рано изутрина, со драматична музика како подлога го покажува лансирањето од артилеријата на Иран и експлозијата на метата на небото за која се тврди дека е американски дрон.
Пентагон претходно објави своја црно-бела снимка од 15 секунди.
Pentagon releases video purporting to show the smoke trail left after a U.S. RQ-4 unmanned aerial vehicle was shot down by Iran over the Gulf of Oman pic.twitter.com/cry6WpwdrT
— Ryan Browne (@rabrowne75) June 20, 2019
Но, ниедна од снимките не потврдуваат дали соборувањето на дронот е во меѓународните води или во воздушниот простор на Иран, што е точка околу која спорат Вашингтон и Техеран.
Пентагон соопшти дека Иран соборил американски дрон додека летал на голема висина над меѓународните води во Ормускиот мореуз, на околу 34 километри од иранскиот брег.
Тоа, како што наведе Пентагон, е опасен и неодговорен напад кој може да ги загрози цивилите. Дронот не го наруши воздушниот простор на Иран во ниеден момент, категорични се од Пентагон.
Американскиот претседател Доналд Трамп на Твитер напиша дека соборувањето на дронот е „многу голема грешка“.
Иранските медиуми соопштија дека беспилотното летало било соборено кога влегло во иранскиот воздушен простор.