Хутите од Јемен од бунтовничкото движење „Ансар Алах“ утрово започнаа напад со „хиперсонични балистички ракети“ врз неколку цели во Тел Авив, објави портпаролот на вооружените сили на Хутите, Јахја Сарија.
„Ракетните сили на јеменските вооружени сили спроведоа воена операција, користејќи хиперсонична балистичка ракета Палестина-2 со повеќе боеви глави, која погоди неколку ранливи цели во окупираниот регион на Тел Авив. Операцијата успешно ги постигна своите цели“, изјави претставник на движењето на телевизискиот канал Ал Масира, во сопственост на Хутите.
Yemen has fired a ballistic missile towards tel aviv, there are reports of multiple explosions across a wide area. It's possible that another fragmentation missile was just used. This clip may show submunitions, hard to tell. pic.twitter.com/Oa5BN30T0J
— barry with the NED (@bonzerbarry) September 13, 2025
Израелската армија (ИДФ) објави дека успешно соборила балистичка ракета испукана од јеменските бунтовници Хути во текот на ноќта. Поради воздушниот напад, сирените беа активирани во Тел Авив и други населени места низ целиот централен Израел, објавува „Тајмс оф Израел“.
„Во моментов нема извештаи за повредени или материјална штета во нападот“, објави израелскиот портал.