Гувернерот на руската област Белгород утринава изјави дека во регионот е во тек „антитерористичка операција“ и дека Министерството за одбрана и безбедносните служби се уште ја „чистат“ територијата на границата со Украина. „Во врска со ситуацијата во областа Грајворон: чистењето на територијата што го спроведува Министерството за одбрана со безбедносните служби сè уште трае“, рече гувернерот Вјачеслав Гладков на комуникациската платформа „Телеграм“.
„Апелирам до граѓаните на областа Грајворон, кои привремено ги напуштија своите домови: враќањето сè уште не е можно“, додаде тој. Гладков рече дека една жена била убиена за време на евакуацијата во понеделникот, а две лица наводно биле ранети, но руските безбедносни сили не можеле да дојдат до нив.
FREE RUSSIA LEGION
Allegedly the Free Russia Legion, which fights on the side of Ukraine but is composed of Russians, is invading southern Belgorod, Russia. pic.twitter.com/7EmFb3IgXi
— Jason Jay Smart (@officejjsmart) May 22, 2023
Гувернерот објави дека Белгород во текот на ноќта бил нападнат со беспилотни летала. Во серијата објави на Телеграм доцна вчера и рано утринава, Гладков рече дека две куќи биле погодени со беспилотни летала во градот Грајворон – местото на претходниот напад за кој одговорноста ја презедоа проукраинските руски доброволци.
„Куќите се запалија откако експлозивните направи беа фрлени од беспилотното летало“, рече Гладков. Тој додаде дека во два одвоени напади од дронови биле фрлени експлозивни направи врз управната зграда и куќа во селото Борисовка. Тој рече дека нема пријавени жртви во ниту еден инцидент со дронови.
Засега никој не ја презеде одговорноста за наводните напади со беспилотни летала. Претходно вчера Гладков изјави дека повеќето жители на Грајворон биле евакуирани од градот, откако осум лица биле повредени во напад на „диверзантска група“ поврзана со украинската војска.
Портпаролот на Кремљ, Дмитриј Песков, изјави дека претседателот Владимир Путин бил информиран и дека се работи на протерување на „саботерите“, пренесе државната новинска агенција РИА Новости.
Locals report a powerful explosion in downtown Belgorod, Russia
Allegedly, the office of Russia's Federal Security Service has been damaged.
📷SOTA pic.twitter.com/7yRLExKNS9— Euromaidan Press (@EuromaidanPress) May 22, 2023
Синоќа во Белгород одекна силна експлозија, а наводно е оштетена и канцеларијата на руската Федерална служба за безбедност.
Руските власти итно го евакуираа складиштето за нуклеарна муниција Белгород-22 во регионот Белгород, кој граничи со Украина, изјави портпаролот на Главната разузнавачка управа на украинското Министерство за одбрана (ГУР) Андриј Јусов.
„Итно се евакуира и објектот Белгород-22 – складиште за нуклеарна муниција. Не е далеку од Грајворон“, рече Јусов. Тој нагласи дека на тоа место се складира дел од руската нуклеарна муниција.
LIBERATED TERRITORY
Blue is Ukraine 🇺🇦.
Red is Russia 🇷🇺.
Green is the newly declared and liberated Belgorod People’s Republic.
Remember when 🇷🇺-backed “separatists,” “declared and liberated” Donetsk and Luhansk?
Karma is a bitch, Putin. pic.twitter.com/S7ktkkF8rb
— Jason Jay Smart (@officejjsmart) May 22, 2023
Руските безбедносни сили се судрија со партизаните на најмалку три локации во Белгород, соопшти британското Министерство за одбрана.
„Помеѓу 19 и 22 мај 2023 година, руските безбедносни сили најверојатно се судрија со партизаните на најмалку три локации во руската Белгородска област, во близина на украинската граница. Идентитетот на партизаните останува непотврден, но руските антирежимски групи ја презедоа одговорноста“, објавија тие.
За потсетување, вчера избувнаа борби долж руската граница со Украина, откако самопрогласените руски партизански сили извршија прекуграничен напад и тврдеа дека за време на војната за првпат освоиле погранично село.
Легијата на слободата на Русија, која се опишува себеси како милиција против Кремљ која сака да ја ослободи Русија од Владимир Путин, тврди дека ја преминала границата и го освоила селото Козинка и ги испратила своите војници во градот Грајворон во руската област Белгород.
На видеото од нападот, наводно од граничниот контролен пункт во Грајворон, се прикажани жртви, вклучително и руски офицер како лежи со лицето надолу во локва крв покрај руските пасоши и другите документи расфрлани на земја. На видеото се гледаат и оклопните возила кои го освоија граничниот пункт.