Неколку илјади антивладини демонстранти се судрија со полицијата пред зградата на Парламентот во Будимпешта синоќа, а полицијата употреби солзавец за да ги разбие.
#Budapest #Hungary pic.twitter.com/aJsQLXWzB4
— Balazs Csekö (@balazscseko) December 13, 2018
Демонстрантите прво поминуваа низ центарот на Будимпешта, а потоа се вратија на плоштадот Кошут и покрај повиците протестот да остане мирен, започнаа со шишиња и запаливи бомби да фрлаат на полицијата, која употреби солзавец за да го обезбеди Парламентот.
Könnygáz a Parlamentnél
Posted by Index.hu on Четврток, 13 декември 2018
Протестот беше организиран поради неодамнешните измени на законот за работа за кој синдикатите и опозицијата тврдат дека ќе им наштети на работниците.
Демонстрантите се главно незадоволни со законот, кој им овозможува на работодавачите од вработените да бараат да работат прекувремено 400 часови годишно.
Усвоен е и законот за управните судови, за кој групите за човекови права сметаат дека може да доведе до политичко мешање во судските прашања. Унгарската Влада ги отфрла таквите обвинувања.
Помеѓу демонстрантите имаше голем број студенти, кои исто така протестираат за затворањето на Централниот Европски Универзитетот, основан од Џорџ Сорос.