Унгарскиот министер за надворешни работи Петер Сијарто денеска изјави дека Унгарија не го поддржува новиот пакет помош на Европската Унија за Украина во износ од 20 милијарди евра.
„Унгарија, се разбира, не го поддржува овој предлог и ние не сме подготвени да учествуваме во него. Нема да дозволиме парите на унгарскиот народ да се трошат за понатамошни испораки на оружје и со тоа да го продолжиме конфликтот“, рече Сијарто по состанокот на министрите за надворешни работи на ЕУ.
Сијартo на Фејсбук објави дека Унгарија нема да се согласи на никакви чекори за пристапување на Украина во ЕУ додека не се вратат правата на унгарската национална заедница во Закарпатија.
Во Брисел се одржа состанок на Советот за надворешни работи на ЕУ, на кој се разговараше за војната во Украина, односите ЕУ-САД, ситуацијата на Блискиот Исток, Иран и Сирија.
