Виктор Орбан и Александар Вучиќ веќе влегоа во сериозно спроведување на воениот сојуз меѓу Унгарија и Србија.
За потсетување, министерствата за одбрана на Албанија, Косово и Хрватска во вторникот во Тирана потпишаа трилатерален одбранбен меморандум, кој, како што наведоа, е порака до сите кои се осмелуваат да ја загрозат безбедноста, мирот и стабилноста на Западен Балкан, или подобро кажано, порака до сите дека овие три земји, кои споделуваат заеднички вредности и интереси, се обединети да се спротивстават на каква било опасност за регионот.
Претседателот на Република Србија, Александар Вучиќ изјави дека потпишувањето на меморандумот меѓу Албанија, Косово и Хрватска за соработка во областа на одбраната претставува кршење на подрегионалниот договор и додаде дека е речиси сигурен оти НАТО не бил ниту информиран за тоа.
Вучиќ, одговарајќи на новинарско прашање по средбата со генералниот секретар на НАТО, Марк Руте, дали разговарал со него за ова и дали Србија ќе го добие објаснувањето што го барала, рече дека тоа е една од темите на разговор што ги поставил.
„Ова е прекршување на таканаречениот субрегионален договор за контрола на вооружувањето од 1996 година, но од реакциите од Хрватска и некои други делови од регионот видовме дека тие не се многу заинтересирани за тоа. Речиси сум убеден дека НАТО не бил ниту информиран и дека не им било ни кажано кои договори се прекршени“, рече Вучиќ.