Обилни дождови синоќа ги погодија Јапонија и Јужна Кореја, предизвикувајќи поплави и лизгање на земјиштето, поради што беа евакуирани стотици луѓе.
Денеска беше издадено предупредување за силен дожд за полуостровот Ното во јапонската префектура Ишикава, регион кој беше погоден од силен земјотрес за време на новогодишните празници, а метеоролошката служба соопшти дека областа сега е погодена од невидени врнежи.
🇯🇵 || in #Wajima City of #Ishikawa, #Japan🇯🇵 (21.09.2024)
Terrible flood due to heavy rain+ the fire department has received many rescue calls
+Around 5,000 homes are without electricity, and twelve rivers have overflowed in the region #能登 #石川県 #輪島 #大雨 #Flooding pic.twitter.com/hMxHZInN09
— BeeLady 🇨🇭 📍🌼🐝 (@BeeLady__) September 21, 2024
Повеќе од 120 милиметри дожд на час се забележани утринава во регионот Ното во централната јапонска префектура.
Властите соопштија дека најмалку едно лице се води за исчезнато, додека многу куќи се поплавени во општината Ваџими. Медиумите јавуваат дека едно лице е живо закопано во одрон.
Јапонската метеоролошка агенција исто така предупреди дека атмосферските услови ќе бидат крајно нестабилни во североисточниот регион Тохоку поради навлегувањето на топол и влажен воздух во систем со низок притисок.
Обилните дождови ја погодија и Јужна Кореја, предизвикувајќи лизгање на земјиштето и поплави, принудувајќи повеќе од 500 луѓе да се евакуираат во јужните региони, додека многу патишта и згради се под вода.
Централниот штаб за катастрофи и безбедносни контрамерки објави дека рано утринава се евакуирани 506 лица од 342 домаќинства во провинциите Северен Гјеонгсанг и јужен Чунгчеонг поради обилните врнежи од дожд, пренесува новинската агенција Јонхап.
Обилните дождови поплавија и 54 делници од јавните патишта.
Министерството за внатрешни работи го подигна нивото на предупредување за обилни дождови на „алармантно“, а премиерот Хан Дук-су итно им нареди на службениците да ги мобилизираат сите расположливи административни ресурси за да се ублажат штетите и да се подготват за дополнителни врнежи што ќе ги донесе тропскиот циклон Пуласан. јужниот брег.