Најмалку четири лица загинаа, а 11 се повредени во шумски пожари во југоисточна Јужна Кореја, соопштија денеска официјални лица.
Повеќе од 3.300 луѓе се принудени да ги напуштат своите домови додека пожарникарите продолжуваат да се борат со пожарот, објави Јонхап.
Вкупната површина зафатена од пожарите достигна 14.694 хектари, а најтешко се погодени окрузите Санчеонг, Хадонг и Гимхае во јужниот дел на провинцијата Гјеонгсанг, Уисеонг во провинцијата Северен Гјеонгсанг и Уљу во провинцијата Улсан.