Германската полиција денеска изврши огромна рација против неколку исламистички здруженија ширум земјата. Во центарот беше градот Хамбург.
Потврдено е дека тие извршиле неколку рации во седум од нивните региони. Стотици полицајци упаднаа во повеќе од 50 згради низ Германија, вклучувајќи ја и Сината џамија во Хамбург.
Билд пишува дека тоа е „најопасната џамија“ во Германија, чие спонзорско здружение, Исламскиот центар Хамбург, се смета за директен огранок на иранскиот режим.
🔴 Bei der bundesweiten Razzia gegen mehrere Islamisten-Vereine stand das IZH in Hamburg im Fokus – eine Einrichtung, die als Propagandazentrale des Iran gilt und gerichtsfest als „extremistisch“ bezeichnet werden darf. Mehr @welt pic.twitter.com/YNtL9U0pLR
— Philipp Woldin (@PhilippWoldin) November 16, 2023
„Во време кога многу Евреи се чувствуваат особено загрозени, Германија нема да толерира ниту исламистичка пропаганда ниту непријателско антисемитско поттикнување против Израел“, рече Ненси Фезер, германска министерка за внатрешни работи.
Таа додаде дека полициските рации биле насочени кон Исламскиот центар во Хамбург и пет поврзани групи.
Покрај просториите во Хамбург, претресени се и просториите на други исламистички здруженија во Берлин, Хесен, Северна Рајна-Вестфалија, Баден-Виртемберг, Долна Саксонија и Баварија. Станува збор за вкупно 54 објекти.