Стотици граѓани беа евакуирани од областа на Ерусалим откако шумските пожари во областа излегоа од контрола и се упатија кон населбите. Израел побара меѓународна помош за да го локализира пожарот, кој проголтува сè на својот пат. Најмалку седум лица се повредени, меѓу кои и две новороденчиња.
Pray for Jerusalem. This is horrific.
— Vivid.🇮🇱 (@VividProwess) April 30, 2025
Масивните пожари започнаа во Јудејските ридови, во близина на шумите Ештаол и Латрун, и брзо се проширија на повеќе локации, вклучувајќи ги Неве Шалом, Месилат Сион, Нашон, Таоз и Бекоа. Пожарот се интензивираше поради екстремната топлина и силните ветрови, што доведе до евакуација на бројни заедници и затворање на главниот автопат помеѓу Ерусалим и Тел Авив.
Пожарот гори неконтролирано, а црн чад е видлив од многу делови. Министерот за надворешни работи Гидеон Саар побара помош од колегите во Кипар, Хрватска, Италија и Грција за да помогнат во гаснењето на пожарите, соопшти неговиот кабинет. Засега не е познато дали добил одговор.
