Хаџи Мохамед (29) од Либан, за помалку од три години од возач на такси во Вашингтон, стана најбаран терорист на листата на ФБИ, за кого е понудена награда од 50.000 долари за каква било информација.
Федералното биро вели дека Мохамед е обвинет за пружање материјална поддршка на сомалиската група Ал Шабаб поврзана со Ал Каеда.
Според наводите на ФБИ, тој летото 2012 година ги напуштил САД и се обидел да се приклучи на Ал Шабаб и од тогаш по него е започната потрага.
– Не само што одлучил да се бори за Ал Шабаб, туку одиграл и важна улога во обидите да регрутира борци за оваа терористичка организација – вели Карл Гатас, специјален агент задолжен за борба против тероризмот во вашингтонското одделение на ФБИ.
Инаку во извештајот на Федералнот биро се наведува дека е можно Мохамед да користи неколку лажни имиња, дека зборува англиски, сомалиски и арапски јазик и дека е висок околу 182 сантиметри, со тежина околу 90 килограми.
Е. Г.