Експлозии се слушнаа рано утрово во Есламшахр, западен дел од иранската престолнина Техеран, а беа распоредени и сили за против воздушна одбрана (ПВО). Ова го објави „Иран Интернешнл“, повикувајќи се на изјави на очевидци на социјалните мрежи.
🚨 BREAKING: Loud explosions reported in Eslamshahr, southwest of Tehran.
Iranian air defenses have been activated. pic.twitter.com/eJSc8N6brD
— Defence Index (@Defence_Index) June 28, 2025
Лондонскиот медиум, кој не е пријателски настроен кон иранските власти, објави видео на својот X профил на кое наводно се прикажани дејствата на ПВО системот во близина на Шахријар, град во близина на Техеран.
За експлозиите во Есламшахр извести и италијанскиот весник „Кориере дела Сера“, кој објави дека областа Бидганех, западно од Техеран, е дом на воен комплекс и ракетни лансери кои беа цел на израелските воздушни напади за време на 12-дневната војна.
A new video shared on social media purportedly shows the activity of Iranian air defenses in an area close to Shahriar in western Tehran early Saturday. pic.twitter.com/NjjxjaNJSG
— Iran International English (@IranIntl_En) June 28, 2025
Локалните ирански медиуми објавија дека воздушната одбрана била активирана во најмалку две области од земјата утрово. Сирени за воздушен напад се огласија и во неколку области во јужен Израел, вклучувајќи ги Бершеба и Димон, откако беше лансирана ракета од Јемен.
Иранските одбранбени сили (ИДФ) го објавија ова во соопштение на Телеграм, во кое исто така се вели дека ракетата „многу веројатно е успешно пресретната“.