Најмалку осум лица загинаа, а 187 се повредени во налетот на супертајфунот Јаги на северот на Виетнам, соопштија денеска локалните власти.
Во ударот, повеќе од 3.000 куќи беа оштетени, а околу 400 далноводи беа срушени, а во неколку поголеми градови, вклучително и главниот град Ханој, имаше прекин на струја и прекини во комуникацијата.
everyoneeeeeee #Yagi in this clip is so scary
yagi Attacks #Hainan, #HongKong, northern #Vietnam, in all forms. Buildings damaged, glass partitions shattered…
This super typhoon is really terrible#SuperTyphoonYagi #NorthernVietnam#TyphoonYagi #China #SuperTyphoon #typhoon pic.twitter.com/YRy5iEg0gJ— BeeLady 🇨🇭 📍🌼🐝 (@BeeLady__) September 8, 2024
Пријавени се и штети во многу училишта, продавници и канцеларии, а најмалку 25 чамци потонаа во провинцијата Куанг Нин, јавува Виетнамската новинска агенција (ВНА).
Земјоделското производство, исто така, претрпе значителна штета, при што 121.500 хектари ориз и земјоделски култури се поплавени или уништени, додека повеќе од 1.000 кафези за аквакултура беа однесени од водата.
Terrifying winds hits due to Typhoon Yagi in Halong Bay of Quảng Ninh province, Vietnam 🇻🇳 (07.09.2024)
TELEGRAM JOIN 👉 https://t.co/9cTkji4D9S pic.twitter.com/MruMSUuGx1
— Disaster News (@Top_Disaster) September 7, 2024
Властите работат на отстранување на последиците од тајфунот и на теренот распоредија речиси 500.000 воен персонал и над 10.100 возила за различни намени, додека околу 50.000 луѓе се евакуирани од крајбрежните области.
Иако тајфунот ослабна во тропска депресија, до утре вечер се очекуваат обилни врнежи во северозападниот регион на Виетнам, а жителите се предупредени на ризик од поплави и лизгање на земјиштето.
Јаги, опишан од виетнамските метеоролошки власти како „еден од најсилните тајфуни во регионот во изминатата деценија“, во саботата стигна на копното во оваа југоисточна азиска земја, откако невремето остави две лица загинати, а стотици беа повредени во Кина.
Супертајфунот се очекува да го погоди и Лаос.