Четири лица го преживеаја падот на авион со руска регистрација во Авганистан, а се расчистува судбината на уште две лица, соопшти руската агенција за следење на авијацијата Росавијација, повикувајќи се на руски дипломати.
Чартер авион со шест лица исчезна вчера од радарите над Авганистан, соопштија претходно руските воздухопловни власти.
Four people out of six survived the crash of a Russian plane in Afghanistan pic.twitter.com/alHRbFFuhV
— NEXTA (@nexta_tv) January 21, 2024
Авганистанската полиција соопшти дека добила пријави за несреќата.
Прелиминарниот заклучок на руските оперативни служби е дека дошло до технички проблем во двата мотори на авионот „Фалкон 10Б“.
Авионот вршел медицинска евакуација од Тајланд до Москва.
Руските истражители соопштија дека покренале кривична истрага за да утврдат дали имало прекршување на безбедносните правила.