Драматична видеоснимка од Бразил се појави на интернет, а на неа се гледа како огромна анаконда напаѓа човек, на кој му треба помошта на уште неколкумина за да се ослободи од смртоносната прегратка на змијата.
Според локалните медиуми, анакондата му пришла на младиот човек од зад грб додека одел по улица и му ги зграпчила нозете, обвиткувајќи се околу него во обид да го задави.
Зелената анаконда, честа во бразилските реки и прашуми, е најголемата змија во светот според тежината и втора според должината, зад мрежестиот питон. Анакондите, кои се обвиткуваат околу пленот и го притискаат, често растат и до пет метри во должина, а забележани се ретки случаи на вакви змии кои се долги преку 10 метри.