Четири лица се повредени откако лет на „Делта ерлајнс“ беше евакуиран на аеродром во Атланта, Џорџија.
Официјални лица велат дека летот од аеродромот Хартсфилд-Џексон Атланта до Минеаполис-Сент Пол го прекина полетувањето набргу по 9 часот наутро, по локално време, поради проблеми со моторот.
WATCH: Passengers evacuate Delta Air Lines plane via emergency slides after aborting take-off in Atlanta, Georgia; 4 passengers suffered minor injurespic.twitter.com/7JoXziKZnN
— BNO News (@BNONews) January 10, 2025
Според објавата на страницата X на аеродромот во Атланта, патниците го напуштиле авионот Боинг 757-300 користејќи излези за итни случаи со тобогани и биле префрлени на блискиот терминал.
За време на евакуацијата, четворица од 201 патник се здобиле со полесни повреди, соопштија официјални лица. Едно лице е пренесено во локална болница, додека на другите три им била укажана помош на местото на настанот.
„Ништо не е поважно од безбедноста на нашите вработени и патници, и им се извинуваме на патниците за нивното искуство. Нашиот фокус е да одговориме на нивните непосредни потреби и безбедно да ги пренесеме до нивните дестинации“, изјави портпаролот на „Делта ерлајнс“ за Фокс 5.