Хакерскиот колектив Анонимуси објави видео порака наменета за рускиот претседател Владимир Путин и неговите „кукли од Кремљ“.
Во видеото објавено на Јутјуб каналот на Анонимус, се наведува дека се вратиле бидејќи се потребни.
„Луѓето веќе нема мирно да набљудуваат додека им ги одземате правата, парите и животите. Нема да ви дозволиме повеќе да ја уништувате нашата планета, нема да прифатиме да ја труете нашата вода, храна и воздухот кој го дишеме. Чекавме да се променат работите, но дојдовме до заклучок дека под сегашниот систем нема да дојде до промени“, се вели во видеото кое трае околу две минути.