Венецуела го суспендира каналот за комуникации со Вашингтон, поради коментарот на високо официјално лице на Стејт департментот за претседателските избори на 14 април по смртта на Уго Чавез, соопшти министерот за надворешни работи Елијас Хауа.
Помошникот на американскиот државен секретар за работата на Западната хемисфера Роберт Џејкобсон минатата недела изјави дека Венецуела заслужува фер и слободни избори, вклучувајќи ја и слободата на медиумите која во последните неколку години како да изумра.
-Со најновите коментари на Џејкобсон заклучивме дека нема потреба да го губиме времето. Секој контакт со Вашингтон е одложен, изјави министерот Хауа и додаде дека во тек се рутински дипломатски контакти-, пренесе агенција „Ројтерс“.
Венецуелските власти протераа двајца американски воени аташеа, поради наводен разговор со припадници на венецуелските вооружени сили, за да Вашингтон им одговори со враќање, на венецуелските дипломати во Каракас.
Овие две држави немаат дипломатски односи на ниво на амбасадори уште од 2010 година.
Елена Георгиевска