Велика Британија прогласи период на национална жалост за кралицата

Од:

Британската Влада денеска официјално го прогласи почетокот на периодот на национална жалост за кралицата Елизабета Втора со „насоки за национална жалост“.

dobivaj vesti na viber

Во документот со упатства за веење знамиња, информации за патување и други деловни и јавни услуги, се наведува дека жалоста ќе трае до крајот на денот на државниот погреб.

Владата соопшти дека нема обврска за откажување или одложување спортски и други настани и затворање на места за забава во тој период, додавајќи дека тоа е дискреционо право на поединечни организации.

Бакингемската палата претходно соопшти дека периодот на жалост на британското кралско семејство за кралицата Елизабета Втора ќе трае од сега до седмиот ден по погребот. Датумот на погребот на кралицата сè уште не е потврден.

„По смртта на Нејзиното Височество Кралицата, желбата на неговото височество кралот е од сега до седум дена по погребот на кралицата да се почитува период на кралска жалост“, се вели во соопштението.

Одделно од националната жалост, кралската жалост треба да ја почитуваат „членовите на кралското семејство, персоналот на кралското домаќинство и претставниците на кралското домаќинство на службени должности, заедно со трупите посветени на церемонијалните должности“.

Знамињата на кралските резиденции од вчера се на половина копје, и ќе останат на половина копје до 08:00 часот наутро на последниот ден од кралската жалост.

Извор: МИА

Би можело да ве интересира

Офват: Сè повеќе луѓе во Англија и Велс тешко ги подмируваат сметките за вода

Ана Ололовска

Велика Британија најави нова рунда санкции за уште 22 Руси

Ана Ололовска

Оставка во Бакингемската палата поради расистички коментари

Ана Ололовска

Штрајк на вработените во брзата помош во Англија и Велс

Ана Ололовска

Драма во Англија: Автомобил влета во толпа од 800 луѓе

Ана Ололовска

Велика Британија купи нови авиони, ама сега нема пилоти за нив