Францускиот премиер Мануел Валс денеска најави измени во Уставот, кои ќе овозможат на обвинетите за тероризам, кои имаат двојно државјанство, да им се одземат француските документи.
Таа одлука ќе биде една од мерките воведени во склоп на вонредната состојба во Франција, која е во сила од терористичките напади во Париз на 13 ноември.
Валс исто така ја остави отворена можноста за продолжување на вонредната состојба во Франција на подолго од сегашните три месеци.