Руските сили напредуваат во речиси сите правци во конфликтните зони во Украина, изјави денес началникот на рускиот Генералштаб Валериј Герасимов.
Најинтензивните борби се водат кон Красноармејск, изјави Герасимов на состанокот со воените команданти во борбената зона.
Според него, руската западна армија развива офанзива во близина на Купјанск, а напредувањето успешно се одвива и во насока на Краснолиман, каде што, како што тврди, „градот Кировск ќе падне под руска контрола“.
„Напаѓачките единици на Јужната група напредуваат кон селото Северни. На правецот Александар-Калиновски, се водат борби во близина на Константиновка, нашите единици влегоа во Плешчеевка. Уништувањето на непријателот блокиран јужно од резервоарот Клебан-Бик продолжува“, рече Герасимов.
Тој додаде и дека Групата „Восток“ ја развива својата офанзива во Дњепропетровската и Запорожската област.
Герасимов им додели награди на војниците кои се истакнале за време на борбените операции.