Ефикасноста на руската вакцина против коронавирус Спутник В изнесува 97,6 отсто, а оваа цифра се заснова врз анализа на податоците за процентот на имунизирани Руси, соопштија Националниот истражувачки центар за епидемиологија и микробиологија на Гамалеја и Рускиот фонд за директни инвестиции (RDIF)
– Вакцината „СпутникV“ покажа ефикасност од 97,6 отсто врз основа на анализата на податоците за степенот на инфекција со коронавирус меѓу луѓето во Русија кои се вакцинирани со двете компоненти од вакцината, се наведува во соопштението.
Според податоците од имунизацијата на 3,8 милиони Руси, вакцинирани со двете компоненти помеѓу 5 декември и 31 март, степенот на инфекција, почнувајќи од 35-от ден од датумот на првото инјектирање, е само 0,027 проценти, во споредба со 1,1 процент на инциденца меѓу невакцинираните.
– Податоците и пресметките за ефикасноста на вакцината ќе бидат објавени во медицинските списанија следниот месец, се додава во соопштението.