Рускиот претседател Владимир Путин денеска изјави дека на украинскиот претседател Володимир Зеленски ќе му биде загарантирана безбедноста доколку ја посети Москва, изјави Јуриј Ушаков, советник на рускиот претседател за надворешна политика.
Како што пренесува новинската агенција ТАСС, Ушаков наведе дека рускиот претседател го кажал ова за време на денешниот телефонски разговор со норвешкиот премиер Јонас Гар Сторе и финскиот претседател Александар Стуб.
Ушаков истакна дека Путин им рекол на Стуб и Сторе оти за Зеленски ќе бидат обезбедени сите неопходни услови – вклучително и безбедноста – доколку тој дојде во Москва.