Колапсот на Украина ќе ги ослаби и САД и Европа, изјави денеска претседателката на Европската комисија Урсула фон дер Лајен на Минхенската безбедносна конференција.
Фон дер Лајен повтори дека е од клучно значење за Европа да ги зголеми трошоците за одбрана, пренесува Ројтерс.
Иднината на Украина е главна точка на агендата на Минхенската безбедносна конференција по телефонскиот разговор меѓу американскиот претседател Доналд Трамп и рускиот лидер Владимир Путин оваа недела, во кој тие ветија дека ќе работат заедно за да се стави крај на конфликтот меѓу Русија и Украина.