Светлината исчезна. Одењето и уживањето во сонцето изгледаат несоодветни. Животот се дели на пред и по 24 февруари, рече украинскиот амбасадор во Германија Андриј Мелник во инервју за Билд.
„Треба да можеш да се смееш, инаку ќе полудиш. Но, мене ми е многу тешко, како и на сите во Украина. Поминав многу непроспиени ноќи размислувајќи за ужасните воени злосторства што Русите ги прават во мојата татковина вели Мелник.
Тој рече дека третата светска војна веќе почнала.
„Третата светска војна веќе почна. Нападот на Путин на Украина ги погодува сите. И Германија, иако сè уште не воено. На сите треба да им биде јасно: Путин сака империјалистички светски поредок со ослабен НАТО сојуз во кој нема да членуваат Полска, Чешка и Словенија“ смета амбасадорот.
„Стравот дека Германија ќе стане страна во војната е целосна глупост. За Путин, Германија е веќе страна во оваа војна. Руската победа во Украина би била најлошото нешто што може да и се случи на Германија“, рече тој.
Што се однесува до вооружувањето, тој рече дека тенковите што ги испрати Германија се стари 40 години.
„За да победиме против Русија, ни треба модерно германско оружје“, рече тој.