Киев денес изврши напади со употреба на ударни беспилотни летала врз аеродромите во регионите Мурманск, Иркутск, Иваново, Рјазан и Амур, соопшти руското Министерство за одбрана.
Сите напади беа одбиени на воените аеродроми во регионите Иваново, Рјазан и Амур.
Во регионите Мурманск и Иркутск, како резултат на лансирањето ударни беспилотни летала од територијата што се наоѓа во непосредна близина на аеродромите, неколку авиони се запалија, се вели во соопштението.
Пожарите се изгаснати. Нема жртви меѓу воениот или цивилниот персонал. Некои од учесниците во напади се приведени.
