Борбите долж северниот дел на источниот фронт на Украина „значително се интензивираа“ во последните денови, изјави денеска командантот на копнените сили на Киев.
Олександар Сирски, кој беше во посета на украинските војници во областа, рече дека руските сили се прегрупирале по претрпените загуби и дека напаѓаат околу селото Макиивка и кон градот Купјанск.
„Главната цел на непријателот е да порази група наши сили, да го опколи Купјанск и да стигне до реката Оскил“, рече тој во коментарите што ги пренесува официјалната воена платформа.
Русите ја напаѓаат стратешки важната Авдијевка.
Сирски додаде дека руските сили извршуваат „десетици“ напади секој ден, но дека украинските сили се подготвени и не се откажуваат.
Силите на Кремљ го напаѓаат и стратешкиот украински град Авдијивка, од другата страна на источниот фронт, во, како што велат руските и западните официјални лица, нова офанзива.
Четиримесечната контраофанзива на Украина, исто така, постигна одреден напредок на исток, во близина на Бахмут и на југ, каде Киев се надева дека ќе стигне до Азовското Море, за што сите експерти се согласуваат дека е невозможно.