Руските сили ја разнесоа браната Нова Каховка во окупираниот дел на Херсонската област за да ја спречат украинската војска да ја премине реката Днепро, изјави денеска на брифинг со новинарите преку Интернет, портпаролката на Јужната команда на вооружените сили на Украина.
„Тоа е хистерична реакција“, рече Наталија Хумениук, пренесе Ројтерс.
„Тие беа свесни дека се подготвува воен маневар на одбранбените сили и на тој начин се обидоа да влијаат на нашите сили за да не дојде до преминувањето на реката Днепро, за што стравуваат“, додаде таа.
Украина, да потсетиме, го контролира десниот брег на реката Днепар, кон север. Руските сили, од друга страна, го окупираат левиот брег и јужниот дел на регионот Херсон.