Украинското Министерство за надворешни работи соопшти дека речиси 14.400 руски војници и други припадници на армијата се убиени во Украина. Тие објавија и дека уништиле илјадници парчиња руска опрема. Поконкретно, во објавата на Твитер се наведува дека од почетокот на руската инвазија биле уништени 95 руски авиони, 115 хеликоптери и 1.470 оклопни возила и други.
Си-ен-ен истакнува дека не можеле да ја потврдат оваа украинска информација. Тие потсетуваат дека Русија на 2 март објави дека досега биле убиени 468 нејзини членови.
Според информациите од САД и оние на НАТО, бројот на руските жртви е меѓу три и десет илјади.