Украинскиот министер за надворешни работи Дмитро Кулеба изјави дека ќе има два услови за крај на војната: Русија да се откаже од плановите за инвазија и да ги повлече своите војници од украинската почва.
„За да се стави крај на војната во Украина, мора да се направат две работи – начинот на размислување во Кремљ мора да се промени, а силите како Индија можат да помогнат во тоа. Москва мора да ги напушти своите воени планови и да тежнее кон мирен начин на размислување. Второ, Русија мора да ги повлече своите сили од целата територија на Украина“, изјави тој за индискиот информативен канал NDTV.