Украина го обвинува главниот пропагандист на Путин за поттикнување геноцид

Од:

Украинската Служба за безбедност (СБУ) поднесе кривична пријава против Владимир Соловјов, еден од најистакнатите водители и пропагандисти на државната телевизија во Русија, за поттикнување геноцид и отворено повикување на напади врз украински цивили. Соловјов, кој живее во Русија, не е уапсен бидејќи е недостапен за украинските власти.

СБУ наведува дека против Соловјов се покренати обвиненија по пет члена од украинскиот Кривичен законик, вклучувајќи повреда на територијалниот интегритет на Украина, поттикнување геноцид, оправдување на руската вооружена агресија, пропаганда на војна и дејствија насочени кон насилно менување на уставниот поредок.

Според документите на украинските истражители, Соловјов постојано повикувал на употреба на тактичко нуклеарно оружје против Украина за време на неговите настапи на руската државна телевизија и барал целосна окупација на четири региони на југот и на истокот на земјата. Контроверзните изјави беа емитувани на неговите емисии на каналот „Русија-1“, на Московското радио и на неговиот канал „Телеграм“.

Би можело да ве интересира

ВИДЕО: Трамп му е многу лут на Путин

Путин не ја дава нуклеарката во Запорожје, ниту на Украина, ниту на Трамп

Катерина Ѓуровски

Бела куќа: Украинците одлучуваат кој ќе управува со Украина

Русија: Треба привремена администрација во Украина под покровителство на ОН, САД или европските земји

Фараж со апел до Трамп: Путин не смее да победи

Зеленски: Украина е силна земја која навистина сака мир