Украина го покани индискиот премиер да го посети Киев. Заменик министерот за надворешни работи рече дека Нарендра Моди треба повеќе да се вклучи во решавањето на војната.
Емине Џапарова изјави за CNBC TV18 дека очекува Индија, која моментално претседава со Г20, да ги покани украинските претставници да учествуваат на настаните во септември.
„Ние веруваме дека Индија треба да биде ангажирана и вклучена во прашањето за Украина во голема мера. Мојот претседател бара телефонски разговор со премиерот. Со нетрпение очекуваме еден ден да му посакаме добредојде во Киев“, рече таа.
Индија не беше толку критична кон руската инвазија како другите нации, па дури и ја зголеми потрошувачката на руска нафта.