Во средно стручно училиште во германскиот град Есен, 18-годишен ученик од Косово, денеска со нож нападна наставничка и ја избоде во стомакот.
Жртвата е сериозно повредена и е итно пренесена во Универзитетската болница, каде што се во тек подготовки за итна операција. Сè уште не е познато дали нејзиниот живот е во опасност, објавува „Билд“.
Полицијата огради голема површина околу училиштето и ги повика жителите да се држат подалеку од областа. За брзо време полицијата доби пријава за сомнително лице во паркот кое одговарало на описот на напаѓачот.
Кога полицијата се обиде да го провери осомничениот, тој истрча директно кон полицајците со нож, па е застрелан.
Училиштето се наоѓа во образовен парк во северниот дел на Есен, а во близина има и други образовни институции.