Осум припадници на службата за обебзедување се убиени, а двајца други се ранети при напад врз американска воена база во Авганистан, соопштија доцна синоќа претставници на Армијата на САД.
Според истите извори, вооружени мажи отвориле оган врз припадниците на обебзедувањето, кои оделе на работа во воздухопловната база „Баграм“ во северната авганистанска провинција Парван.
Досега никој не презеде одговорност за нападот.
Талибанците во последно време ги зголемија нападите врз авганистанските безбедносни сили, а џихадистичката група Исламска држава се обидува да го засили присуството во земјата.
„Баграм“ е најголема американска воена база во Авганистан.