Уапсен маж во Крајстчрч, дојава за поставена бомба

Од:

Полицијата на Нов Зеланд соопшти дека еден маж е уапсен денеска во Крајстчрч, каде минатиот месец при напад врз две џамии беа убиени 50 луѓе, но се уште не се соопштуваат други детали.

Лицето е уапсено по дојава за сомнителен пакет, а на терен се наоѓаат полициски експерти за деактивирање експлозиви, објавија западните медиуми.

Поради сомнеж дека е поставена бомба, биле евакуирани граѓаните во областа Филипстаун во градот на Јужниот остров на Нов Зеланд. На местото на инцидентот се распоредени полициски кордони, а присутни се и возила на итна медицинска помош.

Портпарол на здравствената служба „Ст. Џон Ембуланс“ изјавил дека по барање на полицијата возило на брза помош веднаш пристигнало, но досега никој не побарал лекарска помош.

Претходно весникот „Њу Зеланд Хералд“ напиша дека полицијата интервенира поради закани за поставена експлозивна направа, а луѓето кои живеат во близина биле евакуирани. Полициски портпарол одби да ги коментира наводите на весникот за евентуална закана за бомба.

Би можело да ве интересира

Неколку лица загинаа во автобуска несреќа во Нов Зеланд

Ана Ололовска

Претседателот на Претставничкиот дом на Нов Зеланд водеше седница и хранеше бебе

По огромниот папагал, на Нов Зеланд пронајден и џиновски пингвин

А1он

По Крајстчрч, Новозеланѓаните предадоа повеќе од 10 илјади парчиња оружје

ВИДЕО: Силна експлозија во Крајстчрч, евакуирани жители

Ана Ололовска

Првата акција за откуп на оружје е организирана во Крајстчрч

Ана Ололовска