Твитер блокираше еден од налозите на иранскиот врховен лидер, ајатолахот Али Хамнеи, поради прекршување на правилата на платформата.
Таквиот потег е преземен откако Хамнеи објави твит од неговиот налог @khamenei_site, во кој пишува „Одмаздата е неизбежна“ и сподели слика на голфер кој наликува на Трамп под сенката на голем дрон.
Твитот е сфатен како закана поради убиството на иранскиот генерал Касем Сулејмани во американски напад, што ги обнови стравувањата за одмазда, пишуваат американските медиуми.