Полскиот премиер Доналд Туск денес изјави дека, според НАТО и САД, Русија и Кина би можеле да бидат подготвени за отворен конфликт со Западот уште во 2027 година.
Туск рече дека добил потврда за овие проценки за време на неодамнешниот состанок со Врховниот командант на сојузничките сили за Европа, Алексус Гринкевич.
„Американците сериозно се подготвуваат за ситуација која не претставува директна воена закана. Ова не се трагични предвидувања, но и Вашингтон и мојот гостин, генерал Гринкевич, се убедени дека глобалните противници на Западот, а во случајот на Полска, првенствено Русија, ќе бидат подготвени за конфронтација во 2027 година“, рече Туск за време на состанокот со жителите на градот Пабјанице во централна Полска, објави Полското радио.