Претседателот на Европскиот Совет, Доналд Туск денеска телефонски разговараше со шпанскиот премиер Маријано Рахој за состојбата во Каталонија по вчерашниот референдум за независност.
– Штотуку разговарав со Маријано Рахој. Ги делам неговите уставни аргументи. Повикав да се изнајде начин да се избегне натамошно ескалирање и употребата на сила, напиша Туск на Твитер по телефонскиот разговор.
Рахој го прогласи референдумот за независност на Каталонија за неуставен, и шпанската полиција реагираше да го спречи неговото одржување. Безмалку 900 лица беа повредени во инцидентите што следеа. Каталонските власти соопштија дека 42,3 проценти од граѓаните сепак успеале да гласаат, а од нив над 90 проценти биле за независност.