Турција и САД во конфликт околу извештај за Аја Софија

Од:

Турскиот министер за надворешни работи Мевлут Чавушоглу го критикуваше последниот годишен извештајот на американскиот Стејт департмент за верските слободи во светот, велејќи дека е „трагикомично САД да коментира слобода на религијата и човековите права“.

Во извештајот објавен вчера, кој се однесува на 2019 година, Стејт департментот ја повикува Турција да го почитува статусот на прочуениот истанбулски храм Аја Софија како глобално наследство, затоа што тој носи посебна симболика што ги надминува културите.

Чавушоглу денеска изјави дека Аја Софија „не е прашање на меѓународни односи, туку на национален суверенитет“.
Во интервју за НТВ, Чавушоглу ги коментираше неодамнешните расправи за евентуално повторно отворање на Аја Софија како џамија, нагласувајќи дека познатиот историски објект служел како џамија од османлиското освојување на Истанбул.
Објаснувајќи дека никој не треба да ја коментира слободата на вероисповед во Турција, турскиот министер истакна дека чекорите кои турските власти ги презеле во последните 20 години кон различни малцински заедници во земјата, се евидентни.
Шефот на турската дипломатија упати критика за извештајот на американското Министерство за надворешни работи за религиски слободи во 2019 година, оценувајќи го како „необјективен“.

„Во САД расизмот е присутен во голема мерка. Постои и исламофобија. Во последно време и ксенофобија. Вознемирувањето и нападите врз муслиманите во САД, исто така, се присутни и на високите функции, вклучувајќи членови на Конгресот од исламска вероисповед, изјави Чавушоглу.

Потсетувајќи на делови од извештајот на Стејт департментот околу расправите за претворање на истанбулските музеи Аја Софија и Хора во џамии, Чавушоглу повеќепати истакна дека тие два историски објекта се сопственост на Република Турција.

Би можело да ве интересира

Бајден загрижен поради кинеските хиперсонични ракети

Ана Ололовска

За американската амбасадорка во Тирана преговорите на ЕУ со Албанија и Македонија треба да почнат без одлагање

А1он

Напаѓачот во средното училиште во Паркленд се изјасни за виновен

А1он

Воена база во Мериленд затворена поради закана за бомба и евентуален оружен напад

А1он

Белата куќа претстави план за вакцинирање на деца од пет до 11 години, додека го чека одобрувањето од ФДА

А1он

Блинкен во посета на Еквадор и Колумбија

А1он