Турската полиција уапси 65 лица во голема акција против трговијата со дрога во градот Текирдаг, соопшти министерот за внатрешни работи Али Јерликаја на социјалната мрежа Икс.
Од уапсените, 35 останале во притвор, а 30 лица се ослободени со мерки на претпазливост.
Операцијата, која била подготвувана три месеци, вклучувала следење на улични дилери, како и лица кои нуделе дрога преку социјални мрежи и апликации за пораки.
– Во текот на тие три месеци спроведовме интензивна теренска работа и анализи. Ги следевме осомничените со технички средства и преку физичко присуство. Собравме докази за сите обвинувања, изјави Јерликаја.
Во акцијата учествувале 320 припадници на жандармеријата, вклучително и 13 моторизирани тимови, седум командоски единици и специјално обучени полициски кучиња.