Портпаролот на рускиот претседател, Дмитриј Песков, потврди дека се поставени специјални тунели за дезинфекција во Кремљ и во резиденцијата на Владимир Путин во Ново-Огарјово, преку кои мора да поминат сите што доаѓаат да го посетат, јавуваат руските медиуми.
„Дезинфекциските тунели се поставени во екот на епидемијата со цел заштита на здравјето на претседателот Путин поради актуелната состојба со коронавирусот,“ рече Песков.
Тој додаде дека резиденцијата во Ново-Огарјово стана главно место за работа на рускиот претседател во последните месеци, покрај Кремљ.
Путин се повлече во летната резиденција во април, откако беше објавено дека рускиот претседател ќе се самоизолира поради тоа што бил во контакт со функционер кој веќе бил заразен со коронавирус.