Канадскиот премиер Џастин Трудо објави дека Канада и САД се согласиле да ги продолжат рестриктивните гранични мерки за уште 30 дена, до 21 јули.
„Тоа е одлука која ќе ги заштити луѓето од двете страни на границата, додека ја продолжуваме борбата против Ковид-19,“ посочи Трудо.
Канадско-американската граница требаше да биде отворена во април, но заштитните мерки досега двапати се продолжуваа и пред најновата одлука важеа до 21 јуни.
Трудо во своето обраќање најави и дека канадската влада ќе ја продолжи помошта за најранливите групи и за компаниите, воведена во април, а која требаше да истече на почетокот на јули.