Тројца палестински рибари се убиени откако проектил го погодил нивниот брод во водите на појасот Газа, што е под израелска блокада, пренесува агенцијата Анадолија.
Шефот на палестинското здружение за риболов, Низар Ајајас, изјави дека ракетата го погодила рибарскиот брод во јужна Газа, во близина на Кан Јунис.
Телевизијата Ал Џазира на англиски јазик јави дека трите лица загинале во „мистериозна експлозија“.
Ајајас уште додава дека тројцата палестински рибари кои биле на бродот се убиени, но појасни дека се уште не знаат од каде е истрелана ракетата.
Во соопштението на израелската армија се наведува дека тие немаат никаква врска со инцидентот, а смртта на тројцата рибари е предизвикана од експлозија од внатрешноста на Газа.