Три лица загинаа, а осум се повредени кога тинејџер од бразилскиот град Аракруз во државата Еспирито Санто отвори оган врз две училишта.
Локалната полиција соопшти дека нападите се случиле околу 10 часот по локално време, а сторителот бил тинејџер во воена униформа, пренесува „Ројтерс“.
Се трага по убиецот, а официјално се’ уште не е потврдена информацијата дека сторителот е ученик во едно од нападнатите училишта.
Гувернерот на државата Еспирито Санто, Ренато Казагранде, изрази сочувство до семејствата на жртвите и рече дека сите расположливи сили се вклучени во истрагата.
Бразилскиот претседател Лула да Силва, кој тесно го победи Жаир Болсонаро на изборите на крајот на октомври, овој чин го нарече „апсурдна трагедија“.