Три лица се повредени во нападите со руски беспилотни летала во јужна и југоисточна Украина, соопштија денес украинските власти.
Две лица се повредени во регионот Дњепропетровск во нападите извршени во текот на ноќта, а украинските сили за воздушна одбрана соборија пет руски беспилотни летала, изјави гувернерот на регионот, Сергеј Лисак.
Нападот предизвика пожар во приватна куќа и помошен објект во еден округ од регионот, а уништи земјоделски бизнис, приватна куќа и автомобил во друг.